სასიამოვნო დილა იყო...ისე გავიარეთ საკმაოდ დიდი მანძილი დაღლა არ გვიგრძნია... 12 საათისათვის საქართველოს სამხრეთ-დასავლეთით, ისტორიულ მესხეთში, ასპინძის რაიონიდან 30 კმ-ის დაშორებით, მდინარე მტკვრის ღრმა ხეობის ზემო წელზე, ერუშეთის მთის ფრიალო, მიუვალი, ასი მეტრის სიმაღლის კლდეში, ხუთასი მეტრის სიგრძეზე,გამოჩნდა კულტურის შესანიშნავი ძეგლი კლდეში ნაკვეთი ციხე-ქალაქი ვარძიის სამონასტრო კომპლექსი, რომლის ფერდობებზე შეფენილიყო უამრავი მნახველი საქართველოს სხვადასხვა კუთხიდან და უცხოელი ტურისტები.
